بتصرف إعلانات ومش شايف اشتراكات؟
شوف إزاي بنحوّل زيارات لاشتراكات حقيقية

الأكاديمية كانت شغالة بقالها فترة، وفي شهور تبان الدنيا كويسة، وبعدها الأرقام تهدأ فجأة من غير ما حد يفهم ليه. مفيش نمط، ومفيش توقع، ومفيش رؤية للأشهر اللي جاية.

بدأنا من رحلة وليّ الأمر: من أول ما يشوف الإعلان لحد ما يتواصل أو يحجز تجربة. اكتشفنا إن أغلب الناس بتضيع بعد أول تواصل، عشان مفيش محتوى يكمل القصة ولا نظام متابعة يمسك العميل خطوة بخطوة.

بنينا Funnel بسيط وواضح: خطة محتوى أسبوعية طالعة من وجع الجمهور الحقيقي، وإعلانات هدفها تغذي الفانل مش بس تجيب لايكات، مع أسلوب ثابت في المتابعة قبل وبعد التجربة.

الأكاديمية كانت بتصرف حوالي 400 دولار شهريًا على الإعلانات، لكن الـ Leads خليط: جزء مهتم فعلًا، وجزء تاني داخل من باب الفضول أو مش في الفئة أصلاً.

عدلنا الاستهداف والرسائل عشان نخاطب أباء وأمهات مسلمين حاسين إن أولادهم محتاجين حل فعلي، مش أي حد مهتم بكلمة “Online Classes”.

ربطنا الإعلانات بـ Funnel: فورم بسيط → تجربة حقيقية → Follow-up مبني على اللي حصل جوه التجربة. كل Lead بقى له مكانه في الـ Dashboard، عارفين جه منين وراح فين.

الأكاديمية كانت جديدة، والهوية مش واضحة: الكلام شبه معظم الإعلانات، ومفيش حاجة مميزة تخلي وليّ الأمر يقول: “ده بالذات يناسب ابني”.

ركزنا على اللي يهم وليّ الأمر فعلًا: المستوى اللي هيوصل له الطفل، المتابعة، والالتزام، مش عدد الساعات أو شكل الشهادة.

جهزنا Funnel واضح: Lead من إعلان مفهوم → ميتنج أونلاين أو تجربة → اشتراك، مع Script للتيم وتعامل محترم مع الاعتراضات، وتجريب كذا شكل لصفحة الهبوط لحد ما وصلنا لواحدة بتحول فعلاً.

الكورس كان فعلاً مختلف، لكن الكلام عليه عام: “طريقة جديدة”، “نتيجة أسرع”، “مش زي أي كورس”. مفيش إجابة واضحة على: “أنا هحس بإيه بعد أول شهر؟”.

قسمنا التجربة لمراحل: أول أسبوع، أول شهر، بعد 3 شهور، وإزاي الطالب هيلاحظ بنفسه إنه بيتطور خطوة بعد التانية.

بنينا Landing Page بتحكي قصة طالب شبههم، وأضافنا FOMO حقيقي على الدفعة: مواعيد بداية، عدد مقاعد، ومميزات مرتبطة بالدفعة دي بالذات، مع Retargeting يخاطب الاعتراضات اللي ظهرت في الرسائل والمكالمات.